باخیش
چهارشنبه 22 بهمن 1393
بؤلوم | قوشماجا(شعر) یازار : R.Amini
+0 به یه ن

چال

چوخداندی کؤنول سن کیمی بیر ساز چالان ایستیر

قوربانین اولوم چال، اوره گیم جان آلان ایستیر

بیر دونیا سؤزوم قالدی سینه مده توزا باتدی

چال، کؤکلو سازیم جانه گلیب دیر، چالان ایستیر

بارماقلاریوی چک سازیمین سیملرین اوینات

اینجیکلی دی، یورقوندو، بو سیملر، سایان ایستیر

گل باغریمی یارما دئمه کی سن ده گئدیرسن

بیر توستوله نن کؤنلومه باخ اوت سالان ایستیر

 

 

باخیش
چهارشنبه 22 بهمن 1393
بؤلوم | قوشماجا(شعر) یازار : R.Amini
+0 به یه ن

نه یازیم؟؟ 

نه یازیم من دارا بیریاشلی بوغازدان٬نه یازیم

ایاغ التیندا بیازگول لره نازدان نه یازیم

باخیرام قلبی سینیق آینالارا توی گئجه سی

آتاسیز قیزلارا حسرتلی جهازدان نه یازیم

نه ساغیمدان٬نه سولومدا بیر آچیق پنجره یوخ

داریخان کؤنلومه دیوارداکی سازدان نه یازیم

او اوشاغ لیقلاریمی چرچیلره ساتدی آنام

ایندیده یئرده ایپک فرشه٬پالازدان نه یازیم

                                                                                         ملاحت نادری